Семинар-машварат дар мавзуи “Қонунгузории Ҷумҳурии Тоҷикистон дар соҳаи муқовимат ба коррупсия”
Дар санаи 17 ва 18-уми июни соли ҷорӣ таҳти роҳбарии муовини раиси раёсати Бонк Ризвонзода Ф.З. ва бо иштироки намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон, муовини сардори раёсати муқовимат бо коррупсияи Агентӣ Рабизода Д. ва нозири ҳамин ниҳод Зокирзода В. семинар-машварат дар мавзуи “Қонунгузории Ҷумҳурии Тоҷикистон дар соҳаи муқовимат ба коррупсия” баргузор гардид.
Дар семинар - машварат роҳбарон ва кормандони воҳидҳои сохтории дастгоҳи марказии Бонк ва масъулонии филиалҳои Бонк дар ноҳияҳои Рӯдакӣ, Варзоб ва шаҳри Ваҳдат низ иштирок намуданд.
Дар оғози семинар-машварат нахуст навори видеоӣ оид ба таърихи пайдоиши коррупсия ва оқибатҳои ногувори он ба ҳозирин намоиш дода шуд.
Сипас муовини сардори раёсати муқовимат бо коррупсияи Агентӣ Рабизода Д. бобати Ⱪонуни Ҷумҳурии Тоҷикистон “Дар бораи муқовимат бо коррупсия”, “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” ва истифодаи ғайриқонунии неруи барқ ва сарфаи мақсадноки он баромад намуданд.
Қайд гардид, ки ба тарзу усул ва ҳолати иҷрои барномаҳои давлатии зиддикоррупсионӣ вобаста ба таҳдидҳои муосири ин падидаи номатлуб сол аз сол навигариву тағйиротҳои гуногун ворид карда шудааст.
Дар ин радиф вобаста ба тартиби дурусти таҳия ва иҷрои барнома ва нақшаи чорабиниҳои зиддикоррупсионии Бонк изҳори андеша карда шуда, тавсияҳои муфид пешниҳод гардид.
Ҳамчунин қайд гардид, ки иҷрои нақша-чорабиниҳои давлатии зиддикоррупсионӣ ба таври дастаҷамъона ва дар доираи самтҳои фаъолияти ҳар як сохтори дохилии Бонк бояд ба роҳ монда шавад.
Сипас аз ҷониби намояндагони воҳидҳои сохтории Бонк вобаста ба нақша-чорабиниҳои зиддикоррупсионии Бонк суолҳо пешниҳод гардида, аз ҷониби намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон нисбат ба онҳо посухҳои дахлдор дода шуд.
